AgileSchool x Scrum.org - ბენეფიტები ორგანიზაციებსა და სტუდენტებს
Opinions expressed by Entrepreneur contributors are their own.
You're reading Entrepreneur Georgia, an international franchise of Entrepreneur Media.
მოგეხსენებათ, AgileSchool გახდა Scrum.org-ის ოფიციალური პარტნიორი და Professional Training Network-ის (PTN) წევრი. ეს პირველი შემთხვევაა საქართველოს ისტორიაში, როდესაც ქართულმა კომპანიამ მოიპოვა ასეთი მაღალი სტატუსი Scrum-ის სამყაროში.
Scrum.org წარმოადგენს მსოფლიოში წამყვან ორგანიზაციას Scrum მეთოდოლოგიის განვითარების კუთხით. მათი სერტიფიკატები ყველაზე პრესტიჟულად ითვლება Agile სფეროში. პარტნიორების შერჩევისას ისინი განსაკუთრებით ფრთხილობენ - ეს არის ხანგრძლივი პროცესი, სადაც დეტალურად ფასდება კომპანიის გამოცდილება და ექსპერტიზა.
ეს პარტნიორობა განსაკუთრებით მნიშვნელოვანია ბიზნესებისთვის. AgileSchool-ის დახმარებით, კომპანიებს შეუძლიათ დანერგონ Scrum-ი Scrum.org-ის გლობალური სტანდარტების შესაბამისად. ჩვენი პროგრამები მორგებულია თითოეული კომპანიის უნიკალურ საჭიროებებზე და ეფუძნება იმავე პრაქტიკებს, რომლებსაც იყენებენ მსოფლიოს წამყვანი ტექნოლოგიური კომპანიები.
თანამშრომლების განვითარება კიდევ უფრო მარტივი ხდება. ისინი იღებენ არა მხოლოდ მაღალი ხარისხის ცოდნას, არამედ Scrum.org-ის საერთაშორისო სერტიფიკატებსაც, რაც მათ პროფესიულ ზრდას უწყობს ხელს.
სტუდენტებისთვის ეს პარტნიორობა ნიშნავს სრულ წვდომას Scrum.org-ის ოფიციალურ საგანმანათლებლო პროგრამებზე. სწავლება მიმდინარეობს Scrum.org-ის მიერ შემუშავებული და დამტკიცებული გეგმის მიხედვით, რაც უზრუნველყოფს მიღებული ცოდნის სრულ შესაბამისობას საერთაშორისო სტანდარტებთან.
განსაკუთრებით მნიშვნელოვანია, რომ სტუდენტებს აქვთ შესაძლებლობა გაიარონ Scrum.org-ის საერთაშორისო გამოცდებისთვის მოსამზადებელი კურსები, რომელსაც ატარებს AgileSchool-ის საერთაშორისო ექსპერტი და პროფესიონალი სქრამ ტრენერი (PST). კურსის წარმატებით დასრულების შემდეგ, სტუდენტები იღებენ AgileSchool-ის სერტიფიკატს და არიან მზად Scrum.org-ის საერთაშორისო გამოცდებისთვის.
"ჩვენი მიზანია, მოვიტანოთ საერთაშორისო სტანდარტები ქართულ ბაზარზე და დავეხმაროთ როგორც კომპანიებს, ასევე ინდივიდუალურ პროფესიონალებს მიაღწიონ წარმატებას გლობალურ დონეზე." - ალექი გიჯაშვილი, AgileSchool-ის დამფუძნებელი.
