"მომხმარებლისგან მიღებული დადებითი ემოციები ნამდვილად ღირებულია" - ელენე შუბითიძე, SOLO-ს გუნდის წევრი
Opinions expressed by Entrepreneur contributors are their own.
You're reading Entrepreneur Georgia, an international franchise of Entrepreneur Media.
დღევანდელ გადატვირთულ რუტინაში ხშირად არ გვრჩება დრო, ჩვენი ძალისხმევა ერთი შეხედვით მარტივი, თუმცა ჩვენი სურვილების ასრულებისთვის საჭირო ამოცანების გადაჭრისაკენ მივმართოთ. ამიტომ, უარს ვამბობთ მათ რეალიზებაზე ან საერთოდაც ვივიწყებთ.
სწორედ ამიტომ, SOLO-მ შექმნა პირადი კონსიერჟის სერვისი, რომელიც მომხმარებელს აძლევს შესაძლებლობას, საკუთარი "ოცნებები" რეალობად აქციონ.
SOLO-ს მომხმარებელზე ზრუნვის, როგორც მთავარი ღირებულებისა და ამ მიმართულებით განხორციელებული ინიციატივების შესახებ ელენე შუბითიძე, SOLO კონსიერჟი გაგვესაუბრა.
რას ნიშნავს თქვენთვის, იყო პირადი კონსიერჟი?
იყო პირადი კონსიერჟი ეს არის ყოველდღიური გამოწვევა, აიღო პასუხისმგებლობა ისეთი საკითხების მოგვარებაზე, რომლებიც მომხმარებლის გადმოსახედიდან "მხოლოდ შენ შეგიძლია".
რატომ შეიქმნა კონსიერჟის სერვისი, რა არის გუნდის უკან მდგარი იდეა?
კონსიერჟის სერვისის შექმნის მთავარი იდეა იყო ის, რომ მომხმარებლისთვის, ფინანსურ პროცედურებთან დაკავშირებული მომსახურების გარდა შეგვეთავაზებინა სივრცე, რომელიც მათთვის მიმზიდველი და სასიამოვნო იქნებოდა.
ვფიქრობ, შევძელით, შეგვექმნა ისეთი მიმართულება, რომელიც მომხმარებლებში ბანკთან ემოციური კავშირის ჩამოყალიბებას უწყობს ხელს და აძლევს შესაძლებლობას, სწორად შეაფასონ ბანკის როლი მათი ყოველდღიური პრობლემების გადაჭრის პროცესში.
რა ღირებულებას სთავაზობთ მომხმარებელს?
ამ კითხვაზე ალბათ უამრავი პასუხი არსებობს. თუმცა, ვეცდები ყველაფერი ერთი იდეის ქვეშ გავაერთიანო - უბრალოდ, წარმოიდგინეთ, რომ SOLO კონსიერჟის სახით არსებობს ადამიანი, რომელიც მთელი გულით გეხმარებათ იმ ყოველდღიური ყოფითი საკითხების დაორგანიზებასა და გადაწყვეტაში, რაც საკმაოდ დიდ დროსა და ენერგიას მოითხოვს.
რა არის თქვენთვის მომხმარებლის კმაყოფილების საზომი?
ჩემთვის მომხმარებლების კმაყოფილების განმსაზღვრელი არის მათი მხრიდან მიღებული დადებითი უკუკავშირი და განსაკუთრებით, ის ფაქტი, რომ მეორედ გვიბრუნდებიან და კვლავაც გვანდობენ საკუთარი სურვილების ასრულებას.
როგორ ახდენთ სერვისის გაუმჯობესებას?
ჩვენ აქტიურად ვმუშაობთ სერვისის გაუმჯობესების მიმართულებით, ამისათვის კი არაერთ ინიციატივას ვახორციელებთ. ამ მიზნით შეიქმნა ინდივიდუალური პორტფელები, შედეგად, თითოეული კონსიერჟი მასზე მიმაგრებული კონკრეტული რაოდენობის მომხმარებელზე გახდა პასუხისმგებელი. აღნიშნული ინიციატივის შედეგად, ახლა კიდევ უფრო მეტად მარტივი და კომფორტულია სერვისით სარგებლობის პროცესი.
ამასთან, ტექნიკური კუთხითაც, ვცდილობთ დავნერგოთ ისეთი მექანიზმები, რომლებიც დაგვეხმარება, კლიენტისგან მაქსიმალურად დამოუკიდებლად განვახორციელოთ სხვადასხვა გარე სერვისები. ასევე, კონკრეტული კონსიერჟის არ ყოფნა შვებულების ან სხვა მიზეზების გამო, არ ახდენს უარყოფით გავლენას სერვისის ხარისხზე და მომხმარებელი უწყვეტად, ჩვეულ რეჟიმში იღებს მომსახურებას.
რა არის თქვენი მოტივაცია, იყოთ კონსიერჟი?
ის ფაქტი, რომ ყოველდღე ახალი გამოწვევის წინაშე ვართ და არასდროს ვიცით, როგორი შინაარსის საქმეზე მოგვიწევს იმ დღეს მუშაობა, უკვე დიდი აზარტი და გამოწვევაა. ფაქტობრივად ვალდებულიც კი ხარ რომ გამუდმებით გქონდეს განახლებული ინფორმაცია და არ ჩამორჩე მიმდინარე მოვლენებს.
ამასთან, იმის გაანალიზება, რომ შენი საქმისადმი მონდომებით მიდგომა სხვის ცხოვრებას უკეთესობისკენ ცვლის და პრობლემას უგვარებს, გაძლევს მოტივაციას, არ გაჩერდე, გააკეთო მაქსიმალური და დაეხმარო მომხმარებელს სურვილების ასრულებაში.
და, რა თქმა უნდა, მომხმარებლისგან მიღებული დადებითი ემოციები გვაჩვენებს, რომ ჩვენი შრომა ნამდვილად ღირებულია.