TEDxTbilisi Youth განახლებული თარიღით ბრუნდება
Opinions expressed by Entrepreneur contributors are their own.
You're reading Entrepreneur Georgia, an international franchise of Entrepreneur Media.
ღონისძიება 8 სექტემბერს Radisson Red Tbilisi-ში ჩატარდება, სადაც საზოგადოებისთვის კარგად ნაცნობი და უცნობი ახალგაზრდები საკუთარ გამოცდილებას გაგვიზიარებენ.
TEDxTbilisi-მა შარშან მე-10 საიუბილეო ღონისძიება გამართა, წელს კი სცენა ახალგაზრდებს დაეთმობათ."ძიებაში" ასეთია ღონისძიების მთავარი თემა და 25 წლამდე სპიკერებიც სწორედ მათი დაკვირვებების და ძიების პროცესის შესახებ ისაუბრებენ.
TEDxTbilisi Youth-ის მონაწილეები სულ მალე გახდება ცნობილი.
"ალბათ, ყველანი ყოველთვის ძიების პროცესში ვართ, თუმცა ყველაზე მძაფრად ეს პროცესი ახალგაზრდობის პერიოდში აღიქმება, დღეისათვის ყველაზე აქტუალური და საინტერესო სწორედ ახალგაზრდების განცდები და გამოცდილებაა.
საკმაოდ ბევრი საინტერესო ადამიანი გავიცანით და დარწმუნებულები ვართ, მათი ისტორიები მსმენელისთვისაც ისეთივე შთამაგონებელი იქნება, როგორც ჩვენთვისაა." - ამბობენ ღონისძიების ორგანიზატორები.
ღონისძიების მთავარი მხარდამჭერია "თიბისი".
TEDxTbilisi არაკომერციული, თვითორგანიზებული ღონისძიებაა, რომელიც 2012 წლიდან TED-ის ლიცენზიის ქვეშ არსებობს და TED-ის ოჯახის ნაწილია. 2023 წელს TEDxTbilisi-ის 10 წლის იუბილე იყო
პროექტის მთავარი მიზანი სხვადასხვა სფეროში აღმოცენებული შთამაგონებელი იდეების გავრცელებაა.
ყოველ წელს TEDxTbilisi 500-ზე მეტ სტუმარს მასპინძლობს და მათ საშუალებას აძლევს მოისმინონ ინოვაციური და საინტერესო იდეები.
TEDxTbilisi Youth-ის ბილეთების შეძენა შესაძლებელია საიტზე: tkt.ge/TEDxTbilisiYouth
