Tasteit App-ი გაეშვა - აპლიკაციაში ხუთ დღეში მომხმარებლების რეკორდული რაოდენობა დარეგისტრირდა გახსოვთ გიორგი ურუშაძე "შარქ თენქიდან"?
You're reading Entrepreneur Georgia, an international franchise of Entrepreneur Media.
Tasteit App-ში, რომელიც ადამიანებს კულინარიული გამოვნების მიხედვით აკავშირებს, გაშვებიდან ხუთ დღეში მომხმარებლების რეკორდულად დიდი რაოდენობა დარეგისტრირდა.
აპლიკაცია App Store-ის საქართველოს მარკეტზე, საკვებისა და სასმელის კატეგორიაში, ტოპ სამ აპლიკაციას შორის მოხვდა და Wolt-ისა და Macdonalds-ის შემდეგ, მესამე ადგილს იკავებს.
Tasteit უკვე ხელმისაწვდომია როგორც Android-ის, ისე - iOS-ის მომხმარებლისთვის, რაც იმას ნიშნავს, რომ შეგიძლიათ, აპლიკაცია გადმოტვირთოთ და თქვენი პირადი გემრიელი თავგადასავალი დაიწყოთ.
იდეის ავტორი და დამფუძნებელი გიორგი ურუშაძეა, რომელმაც 100 000-ლარიანი დაფინანსება პავლე მგელაძისა და ქეთი ქვარცხავასგან Shark Tank Georgia-ში მიიღო.
"ყველანაირ მოლოდინს აჭარბებს ის გამოხმაურება, რასაც მომხმარებლებისგან ვიღებთ. ჩვენს მეილზე, საიტის ფორმიდან, აპლიკაციიდან - იმდენი დადებითი შეფასება, სიყვარული, რჩევები მოდის, რომ 24/7-ზე უბრალოდ ვზივართ და ვმუშაობთ, ზოგჯერ, ჭამა/წყლის დალევა გვავიწყდება.
ყველაზე მაგარი შეგრძნებაა, როცა ამდენი ხანი პროექტზე მუშაობ, გჯერა რომ გამოვა, იცი რომ გლობალური პოტენციალის აპლიკაციას ქმნი და უცბად, ეს ყველაფერი ციფრებში, რეალობას ისე უახლოვდება, ვერ იჯერებ. მთავარი მადლობა გუნდს. თქვენს გარეშე, tasteit არ იქნებოდა ისეთი, როგორიც მივიღეთ. წინ, მთავარი თავგადასავალია - მსოფლიო ბაზრის დაპყრობა, პატარა ევროპული ქვეყნიდან", - ამბობს გიორგი ურუშაძე Entrepreneur-თან საუბარში.
Tasteit ცვლის გაცნობის აპლიკაციების მუშაობის პრინციპს და ადამიანების დამაკავშირებლად იყენებს საჭმელს. გაცნობის აპლიკაციებისგან განსხვავებით, პიროვნებების ნაცვლად, შეგიძლიათ, დაალაიქოთ კერძები/სასმელები და გახდეთ მათი გამომწერები.
Tasteit ახალი გემოების აღმოჩენასთან ერთად, ახალი ადამიანების გაცნობის საშუალებასაც გაძლევთ, კერძოდ, შეგიძლიათ, კომუნიკაცია დაამყაროთ იმ მომხმარებლებთან, რომლებსაც ზუსტად თქვენი მსგავსი კულინარიული გემოვნება აქვთ და გახდეთ Foodmate-ები, იგივე პარტნიორები ჭამაში ან საჭმლის მეგობრები.
Tasteit არ არის კლასიკური გაცნობის აპლიკაცია, რადგან ადამიანებს აკავშირებს კულინარიული გემოვნების მიხედვით, ყოველგვარი რომანტიკული ჩარჩოს გარეშე.
Tasteit-ის მომხმარებელი ისარგებლებს ფასდაკლებებითა და სხვადასხვა შეთავაზებით რესტორნებისგან. აპლიკაციას მალე დაემატება ახალი ფუნქციები, რომელიც კულინარიულ თავგადასავალს უფრო საინტერესოს გახდის.
გადმოწერე აპლიკაცია iOS-ზე - https://apps.apple.com/app/tasteit/id6444895835
გადმოწერე აპლიკაცია Android-ზე - https://play.google.com/store/apps/details?id=me.tasteit
