"დეკა" - კორპორაციული კვება
Opinions expressed by Entrepreneur contributors are their own.
You're reading Entrepreneur Georgia, an international franchise of Entrepreneur Media.
"დეკა" კომპანიებს ფურშეტით მომსახურებას უწევს. ქარხნებს, სკოლებს, ოფისებს, სასტუმროებსა თუ კომპანიებს ყველა იმ სერვისს სთავაზობს, რაც მომუშავე პერსონალის გამოკვებას ეხება.
"ჩვენი საქმიანობა ძალიან სენსიტიურია და ადამიანის ყოველდღიურობაში დიდ როლს თამაშობს. თუ გემრიელი, დაბალანსებული და ნოყიერი საკვები მივირთვით, დღე უფრო პოზიტიური, ენერგიული და ხარისხიანი იქნება. ყველა კომპანიის მიზანიც ხომ ეს არის, თანამშრომლებზე იზრუნოს და მათი მოთხოვნები დააკმაყოფილოს", - აკაკი დეკანოსიძე, "დეკას" დამფუძნებელი.
როგორც აკაკი გვიყვება, მრავალ ქვეყანაში მოგზაურობისა და სხვადასხვა საქმიანობის წამოწყების შემდეგ აღმოაჩინა, რომ ყველა კომპანიაში საერთო პრობლემა არსებობდა, რაც თანაშრომლებისთვის ჯანსაღი და სრულფასოვანი საკვები პროდუქტის შეთავაზებას ეხებოდა.
"ყველაფრის თავიდან დაწყებამ მოგვიწია, რადგან კომპანიებში ამ საკითხის მიმართ ცნობიერება დაბალი იყო. ეს, რა თქმა უნდა, დიდ რისკთან იყო დაკავშირებული. ჩვენ შეგვიძლია და უნდა ვეცადოთ, რომ ეს რისკები შევამციროთ.
დამფუძნებლის როლში ყოფნა რთულია. ეს დიდ დროს, ენერგიასა და პასუხისმგებლობას მოითხოვს. მინდა, რომ ადამიანებისთვის უკეთესი გარემო შევქმნა".
როგორც აკაკი იხსენებს, ბევრი უძილო ღამის, ფიქრისა და შრომის შემდეგ სფეროს მნიშვნელოვანი პრინციპები შეისწავლა და თანამოაზრეები იპოვა.
"ყველა კმაყოფილი ადამიანი და კომპანია, რომელსაც ესმის და აფასებს, რასაც ვაკეთებთ, ჩემი შთაგონების წყაროა. კრიტიკის მიღებაც უნდა შეგეძლოს, თუ გინდა, რომ საქმე კარგად შეასრულო და ადამანები შენით კმაყოფილები იყვნენ.
წლის ბოლომდე ვგეგმავთ ახალი კონტრაქტების დადებასა და გრძელვადიან, სანდო პარტნიორობას რამდენიმე მსხვილ კომპანიასთან. ამის საშუალებას გვაძლევს ხარისხი და გემო, რომელსაც ჩვენს მომხმარებელს ვთავაზობთ. გარდა ამისა, ჩვენთვის მნიშვნელოვანია მათთან კომუნიკაციის დამყარება და მათი ნდობის მოპოვება.
ყველა ადამიანი გულით უნდა მიუდგეს იმ საქმეს, რომელსაც აკეთებს და ურთიერთობა ყველასთან გულწრფელად დაამყაროს".
