LVMH-ს თავისი პარფიუმერიული ქარხნები ხელების სადეზინფექციო საშუალებების წარმოებაზე გადაჰყავს
Opinions expressed by Entrepreneur contributors are their own.
You're reading Entrepreneur Georgia, an international franchise of Entrepreneur Media.
ფრანგული მრავალეროვნული ფუფუნების საგნების მწარმოებელი კომპანიის, LVMH-ის პარფიუმერიისა და კოსმეტიკური კვლევების ცენტრის ლაბორატორია LVMH -მა დღეს გამოაცხადა, რომ თავისი სამი პარფიუმერიული ქარხნის გარდაქმნას აპირებს, რომლებიც სუნამოებს აწარმოებენ თავიანთი Christian Dior, Givenchy და Guerlain-ის ბრენდებისთვის, და მათ ნაცვლად, ხელების სადეზინფექციო საშუალების დამზადებას. პროდუქტის პირველი მიწოდება ერთ დღეში მოხდება, და ხოლო პირველი კვირის ბოლოს, LVMH 12 ტონა ჰიდრო-ალკოჰოლური გელის წარმოებას ვარაუდობს. ამ პროდუქტს კომპანია სრულიად უსასყიდლოდ მიაწოდებს საფრანგეთის ხელისუფლებასა და ჰოსპიტალების ყველაზე დიდ ქსელს ევროპაში.
LVMH ამ ნაბიჯით ერთდროულად რამდენიმე საქმეს აკეთებს. თქმა არ უნდა იმას, რომ ეს ცვლილება პასუხია ხელების სადეზინფექციო საშუალების დეფიციტზე. მაგრამ გარდა ამისა, იგი საკუთარ თავს თავის მომხმარებელთა და თანამშრომელთა წინაშე ისეთ კომპანიად წარმოადგენს, რომელიც საზოგადოებრივი ინტერესების შესაბამისად იქცევა. ისიც გამართლებულია, რომ მისი ქარხნები არ იხურება, კვლავ ღიაა და თავის თანამშრომლებს აიძულებს სამსახურში გამოცხადდნენ. ამის მიხედვით, კომპანია გაცილებით მიზანმიმართული და ნაკლებ კომერციული ჩანს.
LVMH-ის ეს სვლა იმითაც არის საინტერესო, თუ რა ტემპით ახერხებენ ისინი ამას და იმითაც, როგორ აცნობიერებენ, თუ რას ნიშნავს ახლა ფუფუნება. ფუფუნება ადრე უმაღლესი ხარისხის პროდუქციის მიწოდება იყო, და ახლა ამასაც ნიშნავს და მეტსაც. ფუფუნების საგნების მწარმოებელი ნამდვილი კომპანია მომხმარებლის მოთხოვნებს ყველაზე მაღალ დონეზე უნდა აკმაყოფილებდეს, და LVMH ხელების სადეზინფექციო საშუალებების წარმოებაზე გადასვლით სწორედ ამას აკეთებს.
ეს მართლაც უნიკალური მომენტია, ნებისმიერ სხვა დროს ხელების სადეზინფექციო საშუალების წარმოებას, ფუფუნების საგნების მწარმოებელი კომპანიის მიერ, არანაირი აზრი არ ექნებოდა, მაგრამ, ამ მომენტში, შესაძლოა მხოლოდ ამ კვირის ან თვის განმავლობაში, დროულია და ნამდვილად მოსაწონი იმის დამზადება, რაც ნამდვილად არ არის ფუფუნების პროდუქტი, და LVMH-მა იცის ეს. ეს დიდებული მაგალითია იმისა, თუ რატომ არის კვლავ ეს კომპანია ლიდერი ფუფუნების ნივთების სფეროში.
საინტერესოა აგრეთვე ისიც, რომ LVMH არ განუცხადებია, რომ ხელების სადეზინფექციო საშუალება ბრენდირებული პროდუქტი იქნებოდა. არანაირი მინიშნება არ არსებობს იმაზე, რომ მისი წარმოებული სადეზინფექციო საშუალება, მისი ერთ-ერთი ბრენდისთვის იქმნება, და ჩანს, რომ სახელიც არ ექნება. ეს ეწინააღმდეგება იდეას იმის შესახებ, რომ ამ კომპანიაში წარმოებული ნებისმიერი პროდუქტი - ფუფუნების პროდუქტია მაღალი კლასის მომხმარებლისთვის. ეს ძალიან მოქნილი მიდგომაა, რომელიც მენეჯმენტს აძლევს საშუალებას, ასე მოიქცნენ.
ჩვენ ისეთ დროში ვცხოვრობთ, როდესაც კომპანიები მთელ მსოფლიოში დაკეტილია და ეს მოგებას ამცირებს. ეს ყველაფერი იმდენად სწრაფად ხდება, რომ ადამიანებს დრო სჭირდებათ ამასთან შსესაგუებლად. ამჟამად ბრენდებისთვის აუცილებელია, გაცილებით შორს გაიხედონ მოგებაზე, რომელსაც კარგავენ და საკუთარ თავს ჰკითხონ, კიდევ რის გაკეთება შეუძლიათ ნებისმიერისთვის, ასეთ რთულ დროში თავიანთი პოზიციების შესანარჩუნებლად. სწორედ ამას აკეთებს LVMH.
რა უნდა გააკეთონ სხვა ბრენდებმა, რომლებსაც LVMH-ზე ნაკლები რესურსები აქვთ? ეს მენეჯმენტისგან მოითხოვს, რომ საკუთარ თავში ჩაიხედონ და იკითხონ: რა მაქვს ისეთი, რითიც შემიძლია ნებისმიერს, ვინმეს ზუსტად ამ წუთას დავეხმარო? რის დეფიციტია ახლა, რაც მე მაქვს ან რის მიღებაც შემიძლია დიდი რაოდენობით? ჩანს, სწორედ ასეთი მიდგომა აქვს LVMH-ს, და ამ შეკითხვის საკუთარი თავისთვის დასმა ახლა ჩვენ ყველას გვიწევს.
